Algengar spurningar

Get ég sjálf(ur) séð eða kannað ástand lagnanna hjá mér?

Já, þú getur skoðað þær lagnir sem eru sýnilegar, til dæmis í kjallaranum. Ef brúnir blettir eru á rörunum eru þau líklega ryðguð í gegn. Fituskánin innan á rörinu kemur í veg fyrir að frárennslisvatn leki í gegnum gatið. Ef ýtt er á það með hnífi sést fljótt hversu slæmt ástand röranna er. Það er þó raunar svo að jafnvel þótt rörið virðist vera heilt á sýnilegum hlutum þess getur það verið sundurryðgað annars staðar. Sérstaklega er hætta á ryði í sveigjum. Rifjaðu einnig upp hvort upp hefur komið leki – þá þarf að komast að rót vandans. Ef hugmyndin er að þrífa lagnirnar skal hafa í huga að útfellingarnar innan í þeim getur verið það eina sem heldur þeim vatnsþéttum.

Er hægt að nota aðferðir Proline Group í bland við aðra endurnýjun á húsnæðinu?

Já, svo sannarlega. Lagnaendurnýjun með okkar aðferð getur farið fram óháð öðrum framkvæmdum í húsinu. Hana má vinna fyrir, samtímis eða eftir aðrar viðgerðir. Þetta gerir húseigandanum kleift að stjórna því hvaða framkvæmdir skal farið í og hvenær, án þess að það vera þröngvað til þess vegna slæms ástands frárennslisröra. Rör sem hefur verið endurnýjað með aðferðum Proline Group er hægt að tengja við tengi og skrúfbúta sem til eru á markaðnum ef þörf er á frekari tengingum við frárennsliskerfið.

Hvaða öryggi er fólgið í því að velja Proline Group?

Við erum traust og framsýnt fyrirtæki, í krafti stærðar okkar og sterkra eigenda, iðnaðarsamsteypunnar Lifco. Tækniaðferðir okkar og hæfni starfsliðs okkar eru ótvíræð. Frekari upplýsingar ».

Hefur fóðrun gamalla lagna áhrif á virkni þeirra?

Yfirleitt verða frárennslisrör sem hafa verið endurnýjuð með aðferðum Proline Group hljóðlátari en áður, því innra rörið virkar sem hljóðdeyfir. Þrátt fyrir að ummál rörsins minnki svolítið eykst flæðigeta þess í samanburði við gamalt pottrörakerfi vegna þess að minni útfellingar koma fram. Ummál frárennslisröra er þar að auki haft rúmt við framleiðslu.

Fræðileg ending lagna

Endingartíminn fer að sjálfsögðu eftir mörgum ólíkum þáttum, og eftir því hvernig fallstamminn eða niðurfallsrörið er notað. Til dæmis fer endingartíminn eftir gæðum vörunnar sem notuð var og byggingunni þar sem hún er notuð.

Einangrun: 20–30 ár Baðherbergi, handlaug og baðkar: 30–35 ár
Vatnslagnir úr kopar: 50–60 ár
Frárennslislagnir úr pottjárni: 30–60 ár
Frárennslislagnir úr PVC-plasti frá sjöunda og áttunda áratugnum: 20–30 ár
Nýrri frárennslislagnir úr plasti: 50 ár eða meira
Vatnslagnir úr galvaníseruðu stáli: 30–40 ár

Heimild: Reliningrapport 2011, KIMAB, Swerea.

Hvað er endurnýjun lagna?

Endurnýjun lagna er einnig kölluð fóðrun, lagnafóðrun, endurnýjun röra, rör-í-rör og fleira.

Gamlar lagnir verða eins og nýjar (að innanverðu)
Endurnýjun lagna er yfirheiti yfir það þegar gamlar og slitnar röralagnir eru endurnýjaðar. Hefðbundna leiðin til að endurnýja lagnakerfi er að skipta lögnunum út fyrir nýjar. Með lagnaendurnýjun er hægt að nýta gamlar leiðslur í stað þess að rífa þær úr. Þetta hefur í för með sér mun lægri kostnað, lítinn úrgang, lágmarkstruflun fyrir íbúa hússins sem og mun styttra vinnuferli.

Endurnýjun með pólýesterplasti, sem er aðferðin sem við hjá Proline þróuðum. Proline Group var fyrst til að nota þá aðferð. Yfirleitt er nýja rörið húðað með mörgum lögum, og klukkutími látinn líða milli laga.

Sveigjanlegt fóður (einnig kallað „sokkaaðferðin“) þar sem pólýesterfóður vætt í epoxý er blásið eða dregið inn í gamla rörið og látið þorna. Það er Prosoc-aðferðin okkar.

Margir í húsfélaginu hjá okkur eru búnir að endurnýja baðherbergið sitt og eldhúsið en við höfum sjálf ekkert látið gera við lagnakerfið hjá okkur. Verðum við að rífa það út til að geta unnið í fráveitukerfinu?

Nei, með þeirri aðferð sem við notum þarf ekki að fjarlægja neinar lagnir. Við endurnýjum þær í gegnum frárennslisop salernis, handlaugar, niðurfalls og eldhúsvasks. Þegar við höfum lokið verkinu tekur þú varla eftir því að við höfum verið á staðnum.

Hvaða rörastærðir er hægt að fóðra með aðferðum Proline Group?

Að jafnaði rör með þvermál frá 2” (u.þ.b. 50 mm) til 8” (u.þ.b. 225 mm). En við endurnýjum bæði stærri og minni rör, allt eftir aðstæðum.

Eru aðferðir Proline Group eingöngu notaðar á heimilum?

Nei, aðferðir okkar má nota í öllum tegundum bygginga. Við höfum meðal annars unnið verk á sjúkrahúsum, hjúkrunarheimilum aldraðra, verslunum, fyrirtækjum og friðuðum húsum.

Hversu lengi endast rörin? Hvað get ég beðið lengi með lagfæringar?

Þetta eru algengustu spurningarnar sem okkur berast frá fasteignaeigendum. Svarið sem við á í mörgum tilfellum er því miður að ástandið er verra búist var við. Endingartími lagna er afar mismunandi. Í mörgum húsum byggðum allt fram á níunda áratuginn er að finna alvarlegar ryðskemmdir og sprungin plaströr. Það er líka mjög erfitt að meta endingartímann því að slit röra fer eftir aldri þeirra, gerð efnisins og svo auðvitað hvernig rörin eru notuð, bæði hversu mikið og hvað fer í gegnum þau. Að jafnaði má þó gefa sér að pottrör tærist um u.þ.b. 1 mm á 10 árum. Það er í höndum fagmanna að meta umfang skemmdanna, en húseigendur sjálfir geta fyrirbyggt vissa hluti ef þeir vita hvernig á að bregðast við.

Er hægt að þrífa lagnirnar eftir fóðrun með aðferðum Proline Group?

Já. Rörið þolir bæði háþrýstiskolun og vélræna hreinsun, rétt eins og PVC-frárennslisrör.